- KWC -

பிரதியமைச்சர் எம்.எல்.ஏ.எம்.ஹிஸ்புல்லா கிழக்கு மாகாண சபை தேர்தலில் முதலமைச்சர் வேட்பாளராக போட்டியிடவுள்ளதாக தெரியவருகின்றது. ஆளும் ஐக்கிய மக்கள் சுதந்திரக் கூட்டமைப்பில் கிழக்கு மாகாண முதலமைச்சர் வேட்பாளராக பிரதியமைச்சர் ஹிஸ்புல்லாவே போட்டியிடவுள்ளதாக தெரிய வருகின்றது.

பிரதியமைச்சர் ஹிஸ்புல்லா தனது சிறுவர் அபிவிருத்தி மகளிர் விவகார பிரதியமைச்சர் பதவியை இராஜினாமா செய்துவிட்டு தேர்தல் களத்தில் குதிக்கவுள்ளதாகவும் தெரியவருகின்றது. பிரதியமைச்சர் ஹிஸ்புல்லாவை கிழக்கு மாகாண முதலமைச்சராக ஆக்குவதில் ஸ்ரீலங்கா முஸ்லிம் காங்கிரசும் பூரண ஆதரவளிக்குமெனவும் கூறப்படுகின்றது.

இது தொடர்பாக ஆராயப்பட்டு வருவதாகவும் பல தரப்பட்ட பேச்சுவார்த்தைகள் இடம் பெற்றுவருவதாகவும் தெரியவருகின்றது.

இதே வேளை ஸ்ரீலங்கா முஸ்லிம் காங்கிரஸின் தலைவரும் அமைச்சருமான றஊப் ஹக்கீம், மற்றும் பிரதியமைச்சர் ஹிஸ்புல்லா ஆகிய இருவரும் ஈரானில் நடைபெறும் வைபவம் ஒன்றில் கலந்து கொள்வதற்காக நாளை ஈரான் பயணமாகவுள்ளதாகவும் தெரிவிக்கப்படுகின்றது.

எனினும் இந்த விடயத்தை உறுதிப்படுத்த முடியவில்லை…